Речиси сите релевантни светски медиуми објавија дека еден од најпознатите фудбалски агенти Мино Рајола почина, но  недолго потоа почнаа да пристигнуваат деманти.

Меѓу првите што ја демантираше веста беше италијанскиот новинар Фабрицио Романо кој го цитираше лекарот Алберто Зангрило од болницата Сан Рафаеле во Милано кој за новинската агенција АНСА рече дека е гневен поради јавувањата на новинарите кои шпекуирале за смртта на човек што се бори за живот.

Dr. Alberto Zangrillo from San Raffaele Hospital in Milano tells Ansa on Mino Raiola conditions: “I’m outraged by the phone calls from pseudo-journalists speculating on the life of a man who is fighting to survive”.

— Fabrizio Romano (@FabrizioRomano) April 28, 2022

– Револтиран сум од телефонските повици од псевдоновинари кои шпекулираат за животот на човек кој се бори да преживее – ги цитира Романо зборовите на докторот Зангрило.

Веднаш потоа и на официјалниот профил на Твитер на Рајола се огласи агентот.

– Нервозен сум, по втор пат за четири месеци ме убиваат. Се чини дека сум способен и за реанимација.

Current health status for the ones wondering: pissed off second time in 4 months they kill me. Seem also able to ressuscitate.

— Mino Raiola (@MinoRaiola) April 28, 2022

Контроверзниот агент во јануари годинава беше опериран во болница во Милано и дека се бори за живот, но не беа објавени повеќе детали. Според информациите до кои дојдоа италијанските медиуми, Рајола имал проблеми со бубрезите.

Рајола е роден во Италија во 1967 година, но најголем дел од детството го помина во Холандија каде стана агент, а стана еден од најпознатите агенти со трансферите на Денис Бергкамп и на Павел Недвед. Потоа Рајола стана синоним за најголемите трансфери. Рајола заедно со Жорге Мендеш се сметаат за највлијателните фудбалски агенти.