Ретка компликација се случила пред околу две недели на Клиниката за гинекологија и акушерство во Скопје, кога бебето при спонтано породување, наместо целосно да излезе, со раката го повредило ѕидот од анусот на мајката и раката излегла низ анусот, поради што настанала повреда. К

ако што дознава „Слободен печат“ од добро упатени извори што учествувале во породувањето, два стручни конзилиуми, меѓу кои и оној на ГАК, констатирале дека се работи за компликација што е опишана во литературата (се случува еднаш во 10 илјади породувања) и дека не постои одговорен или виновен или лекарска грешка, ниту пак постои начин ваква компликација да се спречи. Меѓу оние што го констатирале тоа биле и професори со над 20 години искуство.

И мајката и бебето се во добра здравствена состојба. Пет дена по породувањето, на мајката ѝ била санирана повредата. Докторката што го извела породувањето тоа го сторила според сите протоколи, констатирала клиниката.