Претседателката на Косово Вјоса Османи неделава добила смртна закана, која е „продолжение на тековните закани по животот на претседателката“, изјави нејзиниот советник за медиуми Беким Купина, според „Радио Слободна Европа“.

Купина ги критикуваше органите на правосудството поради нивното „непостапување“ во овие случаи.

„И покрај десетиците закани, повеќето по животот, со години не е преземена никаква акција против сторителите“, рече тој.

Купина наведе дека во „повеќето случаи“ заканите биле упатени со „име, презиме и препознатлив профил на сторителот“, но не изнесе повеќе детали за заканите и заканувачите.

„Некои закани се упатувани дури во телевизиски емисии“, но дури и тога немаше реакција, креаторите на заканите да бидат повикани на одговорност“, рече тој.

Според неговите зборови, случајот на „последователни закани по живот на претседателката и нејзиното семејство е единствениот во историјата на институцијата, како што ни кажаата од безбедносните институции, во кој никој од креаторите на заканите не излегол пред лицето на правдата“.

„Оваа опасна клима ги охрабрува другите да го следат истиот урнек: потиткнување насилство, повици на физичка елиминација и целосно запоставување на уставниот поредок“, додаде тој.