Топло време - 26,06,2025 - Фото Слободен печат - Методи Здравев
Скопје топло време- Фото Слободен печат - Методи Здравев

Претпладне сончево, попладне дожд и можно невреме

Во Скопје ќе биде променливо облачно, а попладне и во текот на ноќта ќе биде нестабилно со локален пороен дожд и грмежи, во делови од котлината во форма на невреме.

Времето денеска претпладне ќе биде сончево со умерена облачност, а попладне и во текот на ноќта под влијание на влажна и нестабилна воздушна маса, ќе биде променливо облачно и нестабилно со локален пороен дожд и грмежи. Наместа процесите ќе бидат поинтензивни во форма на невреме со пообилен пороен дожд и за кратко време ќе наврнат над 20 литрина квадратен метар, како и со засилен ветер од над 60 километри на час и изолирана појава на град. Минималната температура ќе биде во интервал од 9 до 17, а максималната ќе достигне од 24 до 35 степени Целзиусови.

Во Скопје ќе биде променливо облачно, а попладне и во текот на ноќта ќе биде нестабилно со локален пороен дожд и грмежи, во делови од котлината во форма на невреме. Ќе дува умерен до засилен ветер од југоисточен правец. Минималната температура ќе се спушти до 12, а максималната ќе достигне до 36 степени Целзиусови.

Според најавите од Управата за хидрометеоролошки работи (УХМР), денеска попладне, во текот на ноќта и во недела претпладне времето ќе биде променливо облачно и нестабилно со локален пороен дожд и грмежи. Наместа процесите ќе бидат поинтензивни во форма на невреме со пообилен пороен дожд и изолирана појава на град. Потоа следува период на претежно стабилно и топло време.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот