„Да испратам една порака до сите, пред сè до граѓаните на Република Македонија, а тоа е дека сè додека оваа политичка генерација, актуелна предводена од премиерот Христијан Мицкоски сме здрави и живи и сè додека имаме поддршка од граѓаните, Али Ахмети, Бујар Османи, Артановци и на нив сличните нема да бидат ниту дел од Владата, ниту ќе бидат власт во Република Македонија. Без разлика дали Таравари ќе трча или ќе оди полека кон нив, Али Ахмети и ДУИ, вакво нереформирано со него на чело, нема да бидат ниту власт, ниту дел од власта во Република Македонија“, рече пратеникот на ВМРО-ДПМНЕ Љупчо Пренџов вечерва во „Само Вистина“ на „Канал 5“.

Пренџов истакна дека не се согласува со тезата дека ЕУ е причината за напуштање на Таравари.

„Јас не се согласувам дека Европската Унија е причина за ова, еве јас јавно повикувам да ги побараме сите записници од седниците на Влада дали таму господинот Таравари жестоко дискутирал, зборувал во врска со Европската Унија дали е забавено или не“, рече Пренџов.

Тој го охрабри пратеникот Снопче заедно, како пратеници, да отидат до Владата и да видат дали Таравари се противел на владините седници.

„Она коешто исто така е интересно, а јас го повторувам уште еднаш: Јас ве охрабрувам заедно, како пратеници, имаме и сертификати, ако треба ќе отидеме во Владата ќе ги побараме сите записници и тонски и ќе видиме дали господинот Таравари на која било седница се противел и барал информации до каде е Балансерот, Бадендерот, Закон за правична застапеност и до каде се реформите за Европска Унија“, рече Пренџов.

Тој вели дека „ЕУ е единственото место каде ние како држава се движиме“.

„Во поглед на Европската Унија, таа е единственото место во кое ние како општество и држава се движиме, друго место нема, ниту во минатото имало и тоа му е јасно на секој еден граѓанин во Република Македонија“, рече пратеникот.