Tренерот на фудбалерите на Нотингем Форест, Нуно Еспирито Санто е суспендиран на три натпревари поради исклучувањето против Брајтон во Премиер лигата.

Форест и Брајтон минатиот месец одиграа нерешено 2:2 во натпревар кој беше полн со инциденти.

Фудбалерот на Нотингем Гибс-Вајт беше исклучен во 83 минута по вториот жолт картон, а неговиот тренер Нуно како и тренерот на Брајтон Фабијан Херцелер добија црвени картони.

Гибс-Вајт беше обвинет за непримерна реакција по исклучувањето и доби суспензија од еден натпревар, а ќе мора да плати и 20.000 фунти. Нуно Еспирито Санто освен суспензијата од три натпревари е казнет и со 55.000 фунти, додека неговиот колега ќе плати 8.000 фунти, но избегна суспензија.