Преку глава ни е од демократите, сакаме да се соединиме со Ајдахо
На некои жители на сојузната американска држава Орегон им е преку глава да живеат во држава која е под контрола на демократите. Поради тоа, започнаа инцијатива со која бараат да се соединат со државата Ајдахо, која во моментов е под водство на републиканците, пренесува српски „Телеграф“.
Препорачано
Движењето познато под името „Поместете ги границите на Орегон за Големо Ајдахо“ се надева на проширување на границите на државата, вклучувајќи повеќе од десетина гранични рурални окрузи од Орегон во Ајдахо.
Марк Мекартер, главниот поднесувач на барањето за отцепување, забележал дека за остварување на идејата ќе бидат потребни многу години. Процесот на напуштање на округот од Орегон вкучува усвојување на гласачки иницијативи, добивање на одобрување од државното законодавно тело, кое во моментов го контролираат демократите, а потоа и усвојување на закон во Ајдахо со кој се дозволува присап на нови окрузи, пишува Си-Ен-Ен.
Мекартер добил зелено светло од најмалку три окрузи во Орегон – Џозефин, Даглас и Уматила, што е почеток на процесот за напуштање, а ќе следува и собирање на потписи, па можеби и гласање на 2 ноември.
– Руралните окрузи станаа огорчени од законите кои доаѓаат од законодавната власт на Орегон кои го загрозуваат нашиот живот, нашето право на оружје и нашите вредности. Се обидовме да ги отфрлиме тие закони, но бевме надгласани – наведе Мекартер.
Државата Орегон е под контрола на демократите, предводена од демократската влада на Кејт Браун. Државното законодавство во Ајдахо е под контрола на републикаците, а на чело на владата исто така е републиканецот Бред Литл.
Растечката плима на незадоволни конзервативни жители на Орегон ја подвлекува неодамнешната борба за власт со која Браун се соочи кога републиканците се обиделе да ја симнат од власт во 2019 година, по една бурна седница.
Исто така, во планот се вклучени и одредени окрузи од северот на Калифорнија.
За потсетување, слични напори постоеја и во сојузната држава Вирџинија, кога одредени тамошни окрузи бараа отцепување и прикучување во Западна Вирџинија. Процесот е во тек.
