Производството на гас на дел од иранското гасно поле Јужен Парс е прекинато откако Израел денес го нападна местото, објави иранската новинска агенција Тасним.

„Поради пожар во една од четирите единици на Фаза 14 од Јужен Парс, производството на 12 милиони кубни метри гас од платформата Фаза 14 е привремено суспендирано додека не се обнови овој дел од рафинеријата“, објави Ројтерс, повикувајќи се на иранската агенција.

По израелскиот напад, на гасното поле избувна пожар, за кој иранското Министерство за нафта подоцна соопшти дека е изгаснат. Огромното гасно поле Јужен Парс, кое се наоѓа во јужната покраина Бушер, е еден од двата главни капацитети за производство на гас во Иран.

Во петок, на 13 јули, Израел започна голема воздушна офанзива против Иран, убивајќи високи воени офицери и научници кои работеа на нуклеарната програма на Иран и бомбардирајќи нуклеарни постројки и енергетска инфраструктура, во обид да го спречи Иран да се здобие со нуклеарно оружје.