Двократниот олимписки шампион од Лондон и Рио, и седумкратен светски првак во категоријата над 100 килограми, загуби од Јапонецот Кокора Кагуера во третото коло од Гренд слем турнирот во Париз, на кој учествуваше после седум години.

Дефинитивно најголемата доминација во историјата на џудото, без сомнение и една од најголемите воопшто во спортот, беше прекината денеска на славниот француски џудист Теди Ринер кој го загуби првиот меч од 2010 година и серија од 154 победи во низа.

– Тргнав во напад, ме фати во контра. Штета што поразот дојде во Париз, но доколку требаше да се случи, подобро што тоа сега се случи. Мојата цел за Олимписките игри во Токио. Паднав и ќе станам – рече Ринер.

И претходниот пораз, во септември 2010 година, Ринер го претрпе од Јапонец, Даини Камикава.

Оттогаш до денешната борба, 30-годишниот џудист секоја борба ја завршуваше како победник.