34-годишниот кошаркар Предраг Самарџиски одлучи да ја продолжи кариерата во Турција, односно ќе ги брани боите на Јени Мамак.

Овој центар беше дел од најголемиот успех на македонската репрезентација и освојувањето на четвртото место на ЕП 2011 во Литванија.

На клупски план професионалната кариера ја започна во Партизан, потоа настапуваше за ФМП, Олин Едирне, Литвос Ритас, Црвена звезда, Мерсин, Анкара Колејилер, МЗТ Скопје Аеродром, Мега Баскет, Бујукчекмече и Самсун.

Неговиот нов клуб Јени Мамак настапува во втората турска кошаркарска лига.

За турскиот Самсун во сезоната 2019/2020 во тамошното првенство од 18 натпревари имаше просек од 12,9 поени, 9,2 скока и 3,3 асистенции по меч.