Од септември се менува Патеката за преглед на дојка. Министерството за здравство прави измени во начинот на закажување на прегледи, со цел жените да добијат брз третман согласно нивната медицинска потреба. Од таму велат дека измените се прават со цел жените кои имаат проблем и невообичаена клиничка слика да добијат соодветен третман. Тоа значи дека жени со клиничка слика за промени во дојката ќе добијат упат за преглед на дојка, ехо и мамографија, а радиологот ќе ги издаде потребните дополнителни упати за биопсија. Со ова се олеснува пристапот на жената до потребната здравствена услуга.

 – На овој начин се надеваме дека ќе се надмине голготата која ја трпат пацинетките кои имаат симптоми како грутка, оток или невообичаени болки. Радиологот проценува кои се прегледи се потребни и дава упати понатаму за магнетна резонанца, за биопсија и дијагнозта многу брзо ќе се добие- велат радиолизите.
Скринингот за рак на дојка ќе продолжи како е дел од патеката, со цел да се поделат навидум здравите жени кои припаѓаат во скрининг и жени со итна потреба од радиолошки преглед и тоа: пред и по операција, во тек на онколошки третман како и по новонастаната промена на дојката.

Одлуката за менување на начинот на преглед е веќе излезена во Службен весник, а надлежните ги информираат матичните лекари за новиот начин на упатување.

– Овие промени ќе го поедностават патот на жената од потреба за преглед со дијагноза но и ќе овозможат на матичните лекари соодветно да го користат упатувањето во електронскиот систем – Мој термин. Матичен лекар упатува пациенти кон кабинет за дојка во најблиската здравствена установа во однос на место на живеење на жената. Матичните лекари треба да имаат достапни информации за последна мамографија и ехо, за позитивна семејна анамнеза и за т.н густа дојка за секоја жена- стои во одлуката.

Прегледите во кабинет за дојка се состојат од мамографија, ехо на дојка, биопсија, магнет на дојка и галактографија. радиологот од установата каде е во функција кабинетот за дојка определува какви прегледи ќе направи согласно патеката за прегледи на симптоматски жени.

– Прегледите треба да се спроведат веднаш, со исклучок на тие прегледи кои бараат подолго времетраење од предвиденото и кои треба да се закажат одложено. Термините во кабинетите за дојка се со времетраење од 45 минути. По завршениот преглед жената треба да добие извештаи за направените прегледи на дијагностичките апарати за натамошно следење- стои во препораките.

Во меѓувреме, радиолозите во националната комисија, во соработка со Мој термин спроведуваат едукација на матични лекари и радиолози и ќе ги информираат за новините во патеката за преглед. Мнистерството за здравство и Националната комисија ги прават овие суштински промени следејќи ги препораките на ЕУ со цел навремено детектирање и лекување на најчестото малигно заболување кај жените, ракот на дојка.
Прегледите во скрининг програмата се спроведуваат согласно насоките дадени во програмата за рано откривање на малигни заболувања. Во скрининг програмата прегледите се вршат со дијагностика мамографија на секои две години. Исклучок се жените кои се оперирани или примале терапија за карцином на дојка– жени кои се третирани онколошки.

– Прегледите на жени кои се оперирани или примале онколошка терапија се закажуваат во кабинет за дојка, во посебни термини за таа намена. А упат за преглед може да издадат хирургот, онкологот или матичниот лекар, согласно препорака во извештајот на специјалист.

Мажи кои имаат симптоми за промена на дојка веднаш прават ехо на дојка и по проценка од радиолог дополнителни дијагностички прегледи како мамографија и биопсија.
Од ресорот велат дека патеката тековно ќе се менува и подобрува согласно светските насоки и насоките на националната комисија за рано откривање на малигна неоплазма на дојка.