Пред трговски центар во Манчестер избодено 16-годишно момче
Пред трговскиот центар Арндејл во Манчестер денес е со нож е прободено 16-годишно момче, кое потоа е пренесено во болница, јавува британски „Метро“.
Препорачано
Повредениот тинејџер е пронајден како лежи на улица која се наоѓа веднаш до еден од најпосeтуваните трговски центри во овој англиски град.
Се уште никој не е уапсен, но полицијата верува дека станува збор за изолиран напад. Сепак, надлежните преземаа мерки за претпазливост од тероризам и полицијата остана на терен.
Тинејџерот е пренесен во болница со повеќе убодни рани на телото, но се наоѓа во стабилна состојба. Снимките од местото на настанот покажуваат бројни полициски возила и лекари кои го пренесуваат малолетникот на носилки до возилото.
Someone's just been wheeled out on a stretcher pic.twitter.com/t3Kd04vNVQ
— Luke 'Sproutzy' Rees (@LouGrease) December 28, 2019
Еден сведок на настанот изјави дека движејќи се по улицата забележала локва крв, и кордон на полицајци како го чуваат просторот пред трговскиот центар.
Полицијата извести дека испрашува сведоци на настанот и дека истрагата е во тек.
