Во сабота (31.12.2022 год), возилата од јавниот превоз ќе сообраќаат по саботен возен ред, а во недела (1.01.2023 год) по неделен возен ред, при што првите вклучувања на возилата ќе бидат подоцна од воообичаеното, а останатите согласно неделниот возен ред, информираат за празничното работно време од јавното сообраќајно претпријатие „Скопје“.

– Во понеделник (02.01.2023 год) ќе се вози по неделен возен ред, со вообичаените термини на првите вклучувања на сите линии. Од вторник (3.01.2023 год) јавниот превоз ќе сообраќа по редуциран делничен зимски ред, поради училиштниот зимски распуст – додаваат оттаму.

И Билетарниците на ЈСП „Скопје“ поради Новодишните празници ќе работат со скратено работно време.

– Во сабота (31.12.2022 год), сите билетарници и центри за персонализација ќе работат до 17 часот. На 1 и 2 јануари пак билетарниците и центрите за персонализација нема да работат – стои во објавата на ЈСП „Скопје“.

Работното време на жичницата пак ќе биде нема да претрпи значителнои промени.

– Во сабота и недела (31.12.2022 год и 1.01.2023 год) ќе работи вообичаено, од 10 до 17 часот а во понеделник (2.01.2023 год), нема да работи, бидејќи секој понеделник, како и секој последен вторник во месецот се врши редовен преглед на објектот – додаваат од ЈСП „Скопје“.