Државите членки на ЕУ се согласија околу заедничките хигиенски стандарди како социјално дистанцирање и носење на маски во авионите и на аеродромите за да се помогне при спречувањето на ширењето на Ковид-19, соопшти денеска германскиот министер за сообраќај Андреас Шојер.

– Мило ми е што во Германија е прифатен предлогот на моите колеги на европско ниво и што можевме да се согласиме околу овие единствени стандарди – порача Андреас Шојер на европската авиоконференција.

Договорените мерки вклучуваат заштита на устата и носат за патниците од шест години и социјално дистанцирање на аеродромите при безбедносни проверки и пријави.

Високото ниво на свеж воздух во авионите може да биде загарантирано, а информациите мора да се достапни на повеќе јазици. Средното седиште, меѓутоа, не мора да остане слободно во авионите.

Заедничките прописи задоволија барем некои од барањата на авиокомпаниите, бидејќи различните стандарди предизвикаа конфузија од претходно.

Германското Министерство за сообраќај соопшти дека функционерите псотигнале договор и дека министрите мораат формално да го одобрат.