Пејачот Крег Дејвид веќе една година е во целибат, како што тој вели, за да се излечи од „сопствени проблеми“, пренесува „Менс хелт“ (Men’s health).

Во „Луј Тери поткаст“, Дејвид открил како низата краткотрајни врски во неговите 20-ти години, го натерале да се плаши дека ќе биде повреден. Тоа му се случило кога бил со девојка која многу му се допаѓала, а на крајот таа го оставила.

„Понекогаш треба да се повлечеш. Сега имам 42 години и работите се поинакви. Ако не можам да водам сериозни разговори, да се смеам како луд со девојката, да ја видам нејзината внатрешна убавина, тогаш само ја повторувам истата игра што ја играм уште од првиот ден. Не сакам повеќе“, изјавил пејачот.

Инаку, Крег стана „секс симбол“ кон крајот на деведесеттите со песните „Fill Me In“ и „7 Days“ во кои зборува за својот сексуален живот.