Познати можните противници на Струга Трим Лум во првото квалификациско коло за ЛШ
Познати се скоро сите можни противници на македонскиот шампион Струга Трим Лум во првото квалификациско коло за Лигата на шампиони.
Препорачано
Единствено непознати се шампионите на Турција и Бугарија. Стружани можат да стискаат палци меѓутоа можните противници им се и тоа како квалитетни екипи.
Македонскиот претставник е во групата на аутсајдери и го чека тешка задача. Треба да се знае дека ако бидат елиминирани во првото квалификациско коло од ЛШ продолжуваат во второто за ЛЕ, а ако таму загубат шанса ќе имаат во квалификациите за Конференциската лига. Ова значи дека избраниците на Шпетим Дуро ги очекуваат најмалку шест квалификациски натпревари во текот на летото.
МОЖНИ ПРОТИВНИЦИ НА СТРУГА:
Галатасарај/Фенербахче/Бешикташ (Турција), Ференцварош (Унгарија), Карабах (Азербејџан), Слован Братислава (Словачка), Шериф (Молдавија), БАТЕ Борисов (Белорусија), Астана (Казахстан), Макаби Хаифа (Израел), Лудогорец/ЦСКА Софија (Бугарија), Жалгирис (Литванија), Хелсинки (Финска), Флора Талин (Естонија), Шамрок (Ирска), Њу Сејнтс (Велс), Олимпија (Словенија), Зрински (БИХ).
