Бројни ѕвезди беа евакуирани од своите домови поради еден од најразорните пожари во историјата на Лос Анџелес, вклучувајќи ги Бен Афлек, Џејмс Вудс, Јуџин Леви и други. На некои веќе им се уништени домовите од пожарот, како Парис Хилтон, Спенсер Прат, Ентони Хопкинс, Џон Гудман и Мајлс Телер.

А, како што пренесува „Дејли мејл“, пожарот ја зафатил и куќата во која почина актерот од „Пријатели“ Метју Пери.

Инаку, куќата беше продадена на Анита Верми-Лалијан пред неколку месеци за 8,5 милиони долари. Верма-Лалијан во приказна на Инстаграм потврди дека таа и нејзиното семејство се безбедни, но не даде никакви информации за состојбата на имотот.

„Благодарам на сите што се јавија. Нашето семејство е безбедно и чекаме вести. Се молам за сите погодени од пожарот“, напиша таа.

Верма-Лалијан откри во октомври минатата година, кога ја купи куќата на Пери, дека планира да го користи имотот како викендица.

Home where Matthew Perry died is engulfed in LA wildfire https://t.co/D4W4d6Kbfy via @DailyMailCeleb

— D.m. (@SixtyMLlove) January 9, 2025

Продажбата на куќата се случи една година по трагичната смрт на актерот. За потсетување, Пери беше пронајден мртов во џакузи на 28 октомври 2023 година, на 54-годишна возраст. Неговата смрт е припишана на „акутните ефекти“ на кетаминот, поради што изгубил свест и се удавил.

Актерот го купи гореспоменатиот дом во 2020 година и го реновираше пред неговата смрт – заменувајќи ги светлите дабови подови со потемно дрво и бохо мебелот со посветли бои.

ФОТО | Куќата во која почина Метју Пери е продадена за 8 милиони долари