Додека неговите колеги се борат со пожарите, поради кои изгореле 400.000 хектари, пожарникарот Хернандез подметнувал. Тој е уапсен поради подметнување пожари помеѓу 15 август и 14 септември во областа Мендосино, Калифорнија.

Уапсениот маж ги подметнал пожарите додека не бил на должност, објави Dailymail.

„Згрозен сум кога дознав дека еден од нашите вработени ја нарушил довербата на јавноста и се обидел да ја оцрни неуморната работа на повеќе од 12.000 мажи и жени од противпожарната служба во Калифорнија“, рече Џо Тајлер, директор на агенцијата и шеф на противпожарната служба.

Хернандез наводно подметнал пожари во округот Сонома, познат по своите вина и лозја. Овој пожар бил изгаснат од противпожарните екипи и изгореле помалку од еден хектар, благодарение на брзата акција на жителите и пожарникарите.

Противпожарната служба соопшти дека мотивот е нејасен. Хернандез работел како инженер за апарати и бил ангажиран во работењето и одржувањето на противпожарни возила и резервоарите за вода за итни случаи.

Против него е поднесено петкратно обвинение за подметнување пожар на шумско земјиште. Тој е задржан во затворот во округот Сонома, а кауцијата е одредена од 2 милиони долари. Тој утре треба да биде изведен пред суд.

„Целосно сум шокиран. Тоа е тешко апче за голтање за сите нас“, рекла неговата поранешна сопруга, која сакала да остане анонимна.

Во меѓувреме, шумските пожари продолжуваат да беснеат низ Калифорнија. Трите шумски пожари во планините околу Лос Анџелес уништија повеќе од 230 домови и други објекти, принудувајќи десетици илјади луѓе да ги евакуираат предградијата и градовите од 5 септември.

Од почетокот на годината, во пожарите во Калифорнија изгореа 400.000 хектари шума, што е речиси четири пати повеќе од минатата година.

Топлотниот бран предизвика сушење на вегетацијата, што придонесе за ширење на пожарот. Научниците веруваат дека топлотните бранови станаа почести и посилни поради климатските промени.

Иако не се чуваат докази, се верува дека во последната година околу стотина пожарникари се уапсени поради палење пожари. До 1 септември годинава уапсени се 91 пироман.