Грчките пожарникари се обидуваат да го изгаснат пожарот што избувна на Света Гора во пошумениот простор на поширокото подрачје на манастирот Голема Лавра (Мегистис Лавра).

Овој манастир е најстар и прв во хиерархијата меѓу манастирите на Света Гора, а грчкиот функционер задолжен за таа монашка заедница Аристос Касмироглу за веб-страницата Vima orthodoxias изјави дека пожарот гори, но дека е под контрола.

– Тешко е да се пристапи до пожарот бидејќи избувна во шума – изјави Касмирглу.

Се наведува дека во областа се ангажирани 43 пожарникари, 11 противпожарни возила, како и хеликоптер и канадски авиони кои се обидуваат да го изгаснат пожарот од воздух. Основач на манастирот Велика Лавра бил свети Атанасиј Атонски, а изградбата започнала во 10 век со одобрение на византискиот император Роман II.