Попладнево се случи тешка сообраќајна незгода на булеварот Партизански одреди во скопската населба Карпош 4, спроти трговскиот центар Антико. Во незгодата се повредени четири лица кои веднаш се однесени со возило на Брза помош во Градската општа болница „8 Септември“.

Во несреќата учествувале мотор и автомобил кој е со тетовски регистарски таблички. Задното стакло на автомобилот е целосно искршено и распрскано на улицата. Моторот е оставен веднаш зад автомобилот, а до него има траги од крв.

Полицијата изврши увид на местото на несреќата, но засега нема подетални информации како се случила сообраќајката.