Министерството за одбрана да ги корегира блок дотациите за пожарникарите кои ги добиваат општините, бара градоначалникот на Штип Иван Јорданов. Според него средствата со кои се исплаќаат платите на пожарникарите не се распределуваат законски. Штип добива пари за 10 пожарникари а треба да добива за 33 пожарникари, вели тој.

Само 700 илјади  денари се добиваат преку блок дотации, а останатите два милиони денари ги обезбедува општината преку буџетот.

-На Општина Штип само за десет пожарникари се исплаќаат финансиски средства, остатокот од 23 пожарникари, општината го презема како обврска, за разлика еве да речеме со соседната општина Велес каде има исто 33 вработени, но блок дотациите коишто ги добиваат од Министерството за одбрана и Министерството за финансии се за вкупно 33, вели Јорданов.

Според претседателот на ЗЕЛС, Орце Ѓоргиев за овој проблем со кој се соочуваат неколку поголеми општини во земјава е разговарано со министерот за финансии.