Репрезентацијата на Франција вчера го демолираше Гибралтар со неверојатни 14:0 за највисока победа во својата историја, претходниот рекорд беше 10:0 против Азербејџан во 1995 година.

Главна фигура на теренот беше Килијан Мбапе кој запиша хет-трик и подели три асистенции со што стигна и до бројката од 300 гола во кариерата на само 24 години. Повеќе голови од него на 24 години имал само Пеле (440). За споредба Меси пред да наполни 25 години постигна 279 гола, а Кристијано Роналдо 160.

Среќен за своето достигнување секако беше и самиот Мбапе.

„300 гола? Навистина? Тоа е лудо. Искрено знам дека можам подобро, треба напорно да работам и во мојот клуб и во репрезентацијата“, изјави Мбапе по вчерашниот натпревар.