При претрес во дом на едно лице од селото Богородица пронајдена е полуавтоматска пушка, една ловна пушка со 99 патрони, еден самострел со пет стрели, една воздушна пушка, како и уште 272 куршуми различна муниција. Во домот на неговиот татко, полицијата пронашла една ловна пушка, една воздушна пушка, 140 патрони ловна муниција, 49 куршуми од различен калибар, една стрела за самострел и делови од оружје.

ОЈО Гевгелија соопшти дека е донесена наредба за спроведување истражна постапка против таткото и неговиот син за неовластено држеле поголемо количество оружје и муниција.

Надлежниот јавен обвинител за првиот осомничен достави предлог за определување мерка куќен притвор, а за вториот поднесен е предлог за определување мерка притвор. Судијата на претходна постапка го прифати предлогот на обвинителството и ги определи бараните мерки, соопшти Јавното обвинителство.