Потрагата по четворица алпинисти кои поради лошото време во саботата вечерта заглавија во подножјето на Мон Блан продолжи и денеска, соопштија од службите.

„Доцна во саботата попладне добивме извештај за три тима кои се нашле во неволја недалеку од врвот на Мон Блан во многу лоши временски услови“, соопшти Планинската жандармерија (ПГХМ) на Шамони.

Два тима беа составени од по двајца Јужнокорејци, а третата екипа ја сочинуваа двајца Италијанци.

Двајцата Јужнокорејци беа извлечени на надморска височина од 4.100 метри недалеку од превојот Бренва во неделата наутро, соопшти ПГХМ.

„Влошувањето на временските услови ги спречи спасувачите да стигнат до другите два тима, кои се уште не беа пронајдени во неделата во 18 часот. Подготвени сме да интервенираме во најбрз можен рок“, потенцираат од ПГХМ.