Потпретседателката на Европската комисија, Тереза Рибера, оцени дека настаните во Појасот Газа, кои вклучуваат глад, раселување и убивање цивили, „многу наликуваат“ на геноцид.

„Цивили беа убиени, изложени на глад, без пристап до вода, лекови и помош. Ако не е геноцид, тогаш многу наликува на својата дефиниција“, изјави Рибера за бриселскиот Политико, критикувајќи го недостатокот на решителни потези од страна на Европската Унија.

Според Политико, некои членки на ЕУ, вклучувајќи ги Германија и Италија, се спротивставија дури и на благи мерки против Израел, како што е привременото суспендирање на научната соработка.