Од утре стартуваат градежните активности за изградба на нов производствен капацитет на германската фабрика „КИЛ“, која произведува седишта за возила.

Се работи за фабрика чии производствени погони се наоѓаат во Општина Желино, но, новиот капацитет ќе се гради во рамки на Технолошко индустриската – развојна зона во Тетово.Инвестицијата е 9,2 милиони евра, а во погонот ќе се вработаат дополнителни 150 лица.

Кристијан Штранд, генерален менаџер на „Кил Македонија“ на свеченоста по повод најавата за новиот производствен погон која се одржа во Желино, каде „КИЕЛ“ веќе работи неколку години, истакна дека групацијата „КИЛ“ работи повеќе од 75 години во неколку земји во светот и е лидер во производството на седишта за возови и автобуси.

“Иницијалната цел на оваа фабрика беше да обезбеди седишта за фабриката Ван Хол во Скопје, бидејќи историски гледано, следењето на клиентите во своето работење е наша своевидна пракса. Имајќи го во предвид работењето последните пет години откако почнавме со работа во Македонија, можеме слободно да кажеме дека веќе направивме една успешна приказна.Бидејќи се исцрпени капацитетите на постоечкиот производствен објект, Киел одлучи да направи дополнителна инвестиција во Индустриската зона во Тетово. Истото беше реализирано со голема поддршка во целокупниот процес од страна на ТИРЗ, Владата, Нормак но и останати субјекти. Горди сме што ја имаме оваа дополнителна инвестиција во Северна Македонија бидејќи истата не претставува само зголемување на постојното производството, туку воедно и проширување на опсегот на нашето работење и во областа на заварување, бојадисување и изработка на сунѓери. Со ова ќе се покрие целокупниот опсег на активности за производство на седишта за возови во нашата фабрика и слободно може да се нарече комплетното седиште “made in Macedonia” а ние ќе прераснеме во центар за седишта за возови од дизајн до производство во Групацијата Киел” , рече Мил.

Директорот на ТИРЗ Јован Деспотовски, изјави дека ова е првата компанија во Македонија, кој веќе работи надвор од зоните, а своето производство ќе го прошири во рамки на индустриските зони. Сетоа тоа се прави со одредени критерими, но секако и обврски кои ги има компанијата, а примерот како што нагласи Деспотовски треба да го следат и домашните компании.

„Компанијата „КИЛ“ се обврза да ги задржи сите вработени и дополнително да вработи нови 150 лица. Компанијата се обврза да ги плаќа сите обврски кон буџетот и нема да користи ниту царински ниту даночни олеснувања, кои ги има во рамки на зоните , рече Деспотовски

Тој додаде дека со последната инвестиција на „КИЛ“, Германија веќе има водечка улога како најголем инвеститор во рамки на индустриските зони.