Градоначалникот на Загреб, Томислав Томашевиќ објави дека градот во договор со државата ќе го сруши култниот „Максимир“ и на негово место ќе се изгради нов финансиран од приватен капитал.

Томашевиќ во изјавата истакна дека ова е „историски договор“. Тој објасни дека да се прави реконструкција на „Максимир“ би требало да се плати како за два комплетно нови стадиони.

Рушењето нема да започне додека не се изгради заменски стадион, односно додека не биде проширен стадионот во Крањчева гора каде што ќе играат Динамо и репрезентацијата на Хрватска.

Со работа биу требало да се започне следната година, а идејата е „Максимир“ да биде срушен во текот на 2025 година.

„Се додека не биде се подготвено за рушење на стадионот, ќе работиме паралелно на двата процеси и нема да губиме време“, најави Томашевиќ.