Во прилично кратко соопштение за јавноста, англискиот фудбалски клуб Манчестер сити изјави дека нема да коментира понатаму на оваа тема и дека „постапката е прекината“.

Од Манчестер сити се огласија по повод тужбата што се водеше против нив со месеци за кршење на разни правила, првенствено во областа на финансискиот фер-плеј.

– Премиер лигата и Манчестер Сити постигнаа договор во врска со арбитражата што ја иницираше клубот претходно оваа година во врска со Правилата за трансакции со поврзани страни (APT) на Премиер лигата, и како резултат на тоа, страните се согласија да ја прекинат постапката – стои во соопштението на Манчестер сити.

Така, се става крај на спорот меѓу страните во врска со Правилата на APT. Како дел од решението, Манчестер сити прифаќа дека тековните Правила на APT се важечки и обврзувачки.

Договорено е дека ниту Премиер лигата, ниту клубот нема да дадат понатамошен коментар за ова прашање.

Оваа одлука не е поврзана со 100-те обвиненија против Сити за кршење на финансиските правила на Премиер лигата. Клубот подолг период ги негира ваквите обвинувања.

Club statement

— Manchester City (@ManCity) September 8, 2025