Поранешната ѕвезда на Јувентус и Манчестер јунајтед, Пол Погба, конечно се враќа на фудбалските терени, откако повеќе од година и пол беше надвор од игра поради суспензија за допинг.

Францускиот репрезентативец во февруари 2024 година беше казнет со четиригодишна суспензија, но по жалбата, казната беше намалена на 18 месеци. Јувентус веднаш го раскина договорот со Погба, кој сега започнува ново поглавје во тимот на Монако.

Италијанскиот новинар Фабрицио Романо го потврди трансферот со своето препознатливо „Here we go“, најавувајќи дека Погба наскоро ќе стави потпис на договор со клубот од Кнежеството, за кој ќе настапува во следната сезона.

Последен пат, Погба одигра официјален натпревар во септември 2023 година, во дресот на Јувентус. Тоа значи дека ќе поминат речиси две години пред повторно да го видиме на терен. Останува да се види во каква форма ќе се врати 31-годишниот играч на средината од теренот.

🚨💣 AS Monaco are closing in on deal to sign Paul Pogba as free agent, here we go soon! 🔜

Final details being sorted then deal done for French midfielder back in action after long ban.

Two year contract ready, as revealed last week… almost there. 🐙🇲🇨 pic.twitter.com/vwtpbbs2Gd

— Fabrizio Romano (@FabrizioRomano) June 22, 2025