Деновиве излезе од печат последната авторска книга на Разме Кумбароски „Гласје во драматургијата“ која постхумно беше издадена од Медитеранската Академија „Браќа Миладиновци“ во Струга. Книгата е посветена на драматургијата и е една од најбогатите јазични патувања во македонскиот јазик: патувања со богињата на изгревот и зората Еос, до живожарицата на уникатниот Ристо Крле.

Во предговорот на книгата авторот вели: “За да се напише овaа книга, поттикот го согледував по тековноста и насоките на метафизичката целина на јадрото и моите загрепски колеги… Ме опсипуваше големиот памфлет и сублимен на Лесинг, дека не е потребно да се пишуваат „големи и недостижни книги и страници‘‘. Немав потреба да пишувам таква сестрана книга. Напротив. Откривав една вистинска креативна патнина на својот заумен и мајчин јазик.” Тој додава: “Човекот веруваше во светот. Затоа и гласјето и драматургијата со стремеж посакуваа да го дофатат високиот степен на знаење и совршеност. Тешко се искачуваше тој тих струен разнос до високите скалила и кристали на апсолутноста.”

Книгата брои над 200 страни и ќе биде достапна во поголемите книжари и библиотеки низ државата.

Разме Кумбароски е современ македонски писател, поет, критичар, романсиер, есеист, преведувач, музичар. Роден е на 29 март 1944 година во Струга, каде живееше со своето семејство до крајот на својот живот. Почина во ноември 2021 година.