Општина Аеродром по барање на граѓаните поставува заштитни столпчиња на средина од коловозот што се наоѓа пред сендвичарницата „7“ кај „Три бисери“.

– Столпчињата ќе го спречат непрописното паркирање на средина од улицата, што досега претставуваше опасност, односно го попречуваше нормалното одвивање на сообраќајот во овој фреквентен дел од населбата. Заштитни столпчиња ќе поставуваме на сите локации каде што е потребно тоа и апелираме сите учесници во сообраќајот да се однесуваат совесно, а надлежните институции да ги санкционираат оние што ги прекршуваат пропишаните закони – информираат од Општина Аеродром.

Од оваа локална самоуправа истовремено ги информираат граѓаните дека Општина Аеродром и ЈП „Градски паркинг“ ја интензивират соработката на терен, а од јавното претпријатие најавуваат засилени контроли и акции за отстранување на непрописно паркирани возила.