На почетокот на идната година ќе поскапат и нотарските услуги во Хрватска и тоа за цели 50 отсто. Вредноста на бодот, врз основа на кој се пресметува секоја услуга, треба да се зголеми за 50 проценти. Наместо 1,33 евра ќе чини две евра, открива Телеграм.

Досега заверката на една страница фотокопија од документ чинеше 3,99 евра, во иднина ќе чини 6 евра. Тоа значи дека заверката на пет страни сега чини 19,95 евра, а во иднина ќе чини 30 евра. Заверката на потписот сега чини 3,39 евра, а цената се зголемува на 6 евра. Потврдата дека некој е жив се наплаќа 6,65 евра, во иднина ќе биде 10 евра. Новите цени ќе се применуваат кога ќе стапат на сила измените на Правилникот за привремена нотарска тарифа што Министерството за правда, администрација и дигитална транзиција деновиве ги испрати на јавна консултација, објави Даница.хр.

Предлогот е во јавна расправа до 24 ноември, па поверојатно е дека ќе стапи на сила на почетокот на 2025 година отколку оваа година. Нотарската канцеларија на Никола Бакрач, најголемата во Копривница, лани остварила промет од 350.000 евра со раст од 42 отсто, а добивката изнесувала 74.000 евра, што е за 105 отсто повеќе. Нотарот Роналд Павловиќ имал промет од 233.000 евра (десет отсто повеќе) и добивка од 65.000 евра (16 отсто повеќе). Нотарката Марина Остовиќ лани заработила 188.000 евра (зголемување од 5,5 отсто) и нето добивка од 67.000 евра (пад од три отсто). Канцеларијата на нотарот на Копривница Љубица Папач имала приход од 192.000 евра со раст од 8,5 отсто и 18.000 евра добивка (пад од 8 отсто).