Португалскиот претседател Марсело Ребело де Соуза предизвика реакции откако го нарече својот американски колега Доналд Трамп „руски или советски агент“. Тој ги даде овие забелешки за време на предавање на универзитет во земјата.

„Врховниот лидер на најголемата светска суперсила е, објективно, советски агент или Русин. Тој работи како агент“, рече Ребело де Соуза, нагласувајќи дека, според него, Вашингтон разговара само со Москва во конфликтот во Украина, додека Киев и Европа остануваат надвор од клучните договори.

Ова не е прв пат Трамп да се соочи со обвинувања за наводни врски со Русија. За потсетување, во јули 2018 година, новинарот на „Њујорк магазин“, Џонатан Чаит, објави статија во која наведува дека Трамп бил регрутиран како руски шпион уште во 1987 година. Слично на тоа, поранешниот заменик-директор на ФБИ, Ендру Мекејб, не ја исклучи можноста Трамп „да биде руски агент“ во својата книга од 2019 година.

Слични тврдења се појавија во јавноста и претходно. На пример, во Казахстан, прекарот „Краснов“ се користел за американскиот претседател, со тврдење дека бил регрутиран од КГБ.

Иако овие обвинувања никогаш не биле потврдени со официјални истраги, изјави како оваа од португалскиот претседател повторно ги отвораат старите сомнежи и ги поттикнуваат дебатите во трансатлантската јавност.