Портпаролката на американскиот претседател Џо Бајден, Џен Псаки, планира да ја напушти функцијата и да се приклучи на телевизијата MSNBC, јавува Си-Ен-Ен.

Псаки, според два извора, се уште официјално нема потпишано договор со MSNBC, но преговорите се во напредна фаза. Аксиос, кој прв ја објави веста, објави дека Псаки ќе биде домаќин на шоуто за стриминг платформата на NBC Peacock. Таа ќе се појави и во други емисии на MSNBC. Сè уште нема коментари од MSNBC и Белата куќа. Не е јасно кој ќе ја замени Псаки кога таа ќе поднесе оставка.

Портпаролката на Бајден од почетокот на нејзиниот мандат

Кога ќе ја напушти Белата куќа, Псаки ќе стане вториот висок функционер во Белата куќа што ќе замине во MSNBC. Симон Сандерс, која беше портпаролка на потпретседателката Камала Харис, ја напушти Белата куќа претходно оваа година и започна да води шоу на телевизијата.

Псаки беше портпаролка на Бајден од почетокот на неговиот мандат во јануари 2021 година. Пред да дојде во Белата куќа, таа беше политички коментатор на Си-Ен-Ен, а работеше и за Обама и за Стејт департментот.