Порно ѕвездата Сторми Даниелс (45) гостуваше во специјална предизборна програма на британскиот Канал 4 и призна дека од јули оваа година живее во кампер поради страв за својата безбедност.

Таа изјави дека поддржувачите на Доналд Трамп редовно ѝ упатуваат јавни закани и дека постојано ја менува локацијата на нејзиниот кампер за да не ја најдат, пренесува „Дејли мејл“.

– На почетокот беше страшно, а потоа малку се смири, но на овие избори повторно се врати. Најголемата разлика е што сега веќе не се кријат. Ги користат нивните вистински имиња, вистински телефонски броеви. Заканите се поексплицитни, насочени и како што сите знаеме, кога сведочев во мај, адвокатите на Трамп „случајно“ ставија документ со мојата нередактирана домашна адреса на екранот во судницата и немаше никаква врска со случајот тој ден – рекла Даниелс.

– Значи, од јули не сум дома, живеев во камп-приколка и патував. Стана небезбедно за моето семејство и за домашните миленици – додала таа, вклучувајќи ги и нејзините коњи, кои беа застрелани двапати.

Водителите ја прашале дали се плаши од победата на Трамп.

– Многу јасно стави до знаење дека планира да ги нападне сите што беа против него и оние кои им помогнаа во тоа – одговорила таа.

Инаку, Сторми Даниелс беше една од главните сведоци во кривичниот процес против Трамп во кој во мај беше прогласен за виновен за фалсификување деловни документи и плати на порно актерка да молчи. Во 2016 година, Сторми доби 130.000 долари од Трамп за да молчи за нивната сексуална врска од 2006 година.

“No one should feel threatened as part of the democratic process.”

Boris Johnson reacts to Stormy Daniels saying she had to wear a bulletproof vest to court hearings.

Watch #C4AmericaDecides NOW on @channel4 until 6am. pic.twitter.com/K1L0veel8e

— Channel 4 (@Channel4) November 5, 2024

Адвокатот Коен призна: По налог на Трамп на порно актерката Даниелс и платил 130 000 долари за да молчи