Српската старлета Наташа Шавија (35) синоќа била примена во болницата во Војводина со скршеници на лицето, откако била претепана од поранешниот учесник на „Задруга“, Стефан Кариќ (31), пишува „Блиц“.

Шавија пристигнала во болница со тешки повреди, а дала изјава дека Кариќ побегнал откако ја удрил во главата. Таа тврди дека сѐ се случило во етно-селото Врдничка кула, за време на свадбена прослава.

Полицијата ги утврдува сите околности и работи на апсење на осомничениот, пишува „Блиц“.

Наташа Шавија моментално е на интензивна нега, од каде проговори и ги откри деталите за инцидентот.

„Сѐ се случи во близина на тоалетот, каде што немаше луѓе. Не сум ни сигурна дали во тој момент имало обезбедување наоколу. Двапати ме повлече толку силно што ми испаднаа прамените од косата. Не можам да опишам каква е таа сила. Човекот мрази жени, негативен е кон жените иако изгледа мирно. Особено мрази убави жени. Беше многу пијан. Толку силно ми удри шлаканица што ми се сврти. Потоа почна да излегува надвор, не се сеќавам дали ме фрли на под или сама паднав, сакав да му вратам, му ја повлеков кошулата, тој пак ме повлече и ме удри со тупаница. Окото ми се затвори, ова е катастрофа. Ја чекам операцијата, не ми кажаа точно кога ќе биде “, вели Наташа за „Курир“.

Жената додава дека после тоа се вратила во салата каде се одржала забавата.

„Се вратив на масата за сите да видат што ми се случи, но обезбедувањето ме избрка. Таму имаше еден човек, ме испрати до таксито, отидов во болница и потоа дојде полиција“, раскажува таа, додавајќи дека се чувствува лошо и дека „плука крв“.