Еден од најдобрите тенисери на денешницава, Новак Ѓоковиќ дава целосна поддршка на студентите кои протестираат против Владата предводена од СНС како и против српскиот претседател Александар Вучиќ. Поради јавното поддржување на Ѓоковиќ, многумина му замеруваат а меѓу нив е и поранешниот српски кошаркар  Љубодраг Симоновиќ кој остро го нападна Ѓоковиќ нарекувајќи го „платеник“.

„Некои добиваат многу пари и се подготвени да зборуваат сè против Србија. Така е и со Ѓоковиќ – него Западот го користи. Дури го планираат да биде претседател на Србија. Замислете го тој идиотизам – еден полуписмен човек кој нема ни основно образование“, изјави Симоновиќ.

Во меѓувреме, Ѓоковиќ донесе одлука да се пресели во Атина, заедно со организацијата на турнирот што претходно се одржуваше во Белград, што дополнително предизвика реакции во јавноста.