Марко Ферукоски е роден во Германија, но досега настапуваше за У21 репрезентацијата на Македонија, а претходно го носеше и дресот на нашата У18 и У19 селекција.

Денеска бугарските медиуми информираат дека левиот бек Ферукоски (22) денеска се очекува да игра на контролниот меч против ЦСКА 1948.

Како еден од најголемите таленти на Кикерс Офенбах во Германија, нашиот поранешен младински репрезентативец може да настапува и во средниот ред.

Тој пристигна во Пловдив во понеделникот и веќе неколку дена на проба, па го привлече вниманието на тренерот на клубот, Александар Тунчев.

Во тек се репрезентативните обврски, а моментно во најсилниот бугарски шампионат Локо Пловдив после пет одиграни натпревари е на претпоследната 13 позиција со два бода.