Поранешен в.д. медицински директор на јавна здравствена установа се нашол во состојба на судир на интереси затоа што учествувал во вработувањето на својата снаа со договор на дело, констатираше Антикорупцсиката комисија.

ДКСК утврди дека тој за време на извршувањето на функцијата в.д. директор на јавна здравствена установа, не побарал да биде изземен кога се вработувала снаата за син. На таков начин, таа била вработена во јавната здравствена установа, а тогашниот в.д. директор се нашол во состојба за судир на интереси и го прекршил Законот за заштита од корупција и судир на интереси.

За оваа ситуација поранешниот в.д. директор платил глоба за прекршок. Потоа бил разрешен од страна на Министерството за здравство.