Австралискиот епископ Кристофер Саундерс е обвинет за силување и серија сексуални престапи, некои од нив и врз деца. Истрагата против 74-годишниот Саундерс беше долга и тој беше уапсен вчера во градот Бум во Западна Австралија, јавува Би-Би-Си.

На Саундерс му е одбиена кауцијата и денес ќе се соочи со 19 обвиненија пред судот. Саундерс е еден од највисоко рангираните католички свештеници кој се соочува со такви обвинувања.

Тој беше ракоположен во 1976 година и го помина поголемиот дел од својата свештеничка кариера во оддалечениот регион Кимберли во северозападниот дел на земјата. Тој со години е под истрага на полицијата, а е предмет на истрага во црквата поради обвинувања за сексуална злоупотреба. Тој беше обвинет од неколку мажи.

Јавноста дозна за обвинувањата против Саундерс во 2020 година. Првичната полициска истрага е затворена без обвинение, пишува Би-Би-Си.