Разрешени се државните правобранители во подрачјата на Струга и Скопје, поради нестручно и несовесно вршење на функцијата, соопштија од Министерството за правда. На предлог на Државниот правобранител, односно Министерството за правда, оваа одлука е донесена на денешната седница на владата.

„Владата на РСМ одлучи Мирко Велјаноски да го разреши од должноста државен правобранител во Државното правобранителство на Република Северна Македонија за подрачјето Струга, поради нестручно и несовесно вршење на функцијата државен правобранител и Јане Јанкуловски од функцијата државен правобранител во Државното правобранителство на Република Северна Македонија за подрачјето на Скопје, поради нестручно и несовесно вршење на функцијата државен правобранител“, стои во соопштението од Министерството за правда.