По сериозните нерегуларности забележани од меѓународните набљудувачи за време на локалните и парламентарните избори во Србија на 17 декември и протестите што се одржуваат во Белград, претседателот на Конгресот на Советот на Европа, Марк Кулс, побара од портпаролот на Конгресот за изборни прашања Стјуарт Диксон, да го посети Белград на почетокот на 2024. со цел да се сретне со српските власти.

„Главната цел на посетата ќе биде да се разговара за подобрување на изборниот процес и итните реформи потребни за сузбивање на секоја потенцијална измама“, се вели во денешното соопштение за медиумите на Конгресот на Советот на Европа.

На 20 декември, Диксон изрази загриженост поради сериозните нерегуларности за време на парламентарните и локалните избори пријавени од членовите на меѓународната набљудувачка мисија и ги повика српските власти да се справат со сите наводни случаи на прекршување на изборниот процес и да спроведат истрага.