Испораките на руска нафта за Кина се намалија за 7,6 проценти од почетокот на јануари до крајот на јули во споредба со истиот период минатата година, на 57,71 милиони тони, според податоците објавени денес од Генералната управа на царината на Кина. Според ажурираните податоци во електронскиот систем на кинеската царина, во споменатиот период испораките на нафта од Русија за Кина вределе 29,48 милијарди долари (25,32 милијарди евра), објави ТАСС.

Се наведува дека ова е за 21,3 проценти помалку отколку во истиот период во 2024 година. Русија е сè уште најголемиот снабдувач на оваа стратешка енергија за Кина.