Полска воведе ограничувања во воздушниот сообраќај по должината на своите источни граници со Белорусија и Украина, соопшти во понеделникот Оперативната команда на полските вооружени сили.

„На барање на Оперативната команда на ограноците на вооружените сили, ќе бидат воведени ограничувања во воздушниот сообраќај во источниот дел на Полска во форма на ограничена зона EP e129“, соопшти Полската агенција за воздушна навигација.

Ограничувањата стапија на сила во 22 часот во среда и ќе останат на сила до 9 декември, се вели во соопштението.

Одлуката доаѓа по зголемените тензии и повеќекратните упади на беспилотни летала во воздушниот простор на членката на НАТО, објави Ројтерс.

Полска вчера собори сомнителни руски беспилотни летала во својот воздушен простор со поддршка на авиони од своите сојузници во НАТО, што е прв пат членка на западната воена алијанса да пука за време на руска воена операција во Украина.

Руското Министерство за одбрана во среда соопшти дека нејзините беспилотни летала извршиле голем напад врз воени објекти во Западна Украина, но дека не планирале да погодат никакви цели во Полска.