Русија има специјална киберединица насочена кон Полска, изјави полскиот министер за дигитални прашања Кшиштоф Гавковски.

Како што објави вчера јавниот сервис ТВП, Гавковски рече дека ниту една земја од Европската Унија не се соочила со повеќе руски кибернапади од Полска.

Тој додаде дека од јануари до октомври 2024 година биле извршени повеќе од 80.000 кибернапади врз неговата земја.

Според него Кремљ, има намера да се меша и во полските претседателски избори во мај.

Тој посочи дека се издвоени големи финансиски средства за борба против „руската кибервојна“, како и за нов специјален Координативен центар.

Гавковски нагласи дека Полска ги презела неопходните чекори за да го заштити сопствениот киберпростор.