Полска ги повлече од пазарот бисквитите со потекло од Србија поради присуството на четири пати повеќе адитиви – конзерванс Е220 – од дозволеното, објави европскиот систем за брзо предупредување и информации за храна РАСФФ. Полска, по официјалната контрола на пазарот, утврдила дека бисквитите со потекло од Србија (производителот не е објавен) има „прекумерно висока содржина“ на сулфур диоксид, објави РАСФФ, пренесува Н1. Станува збор за прехранбениот адитив Е220 кој се користи како конзерванс. „Во примерокот земен на 23 септември 2024 година, откриена е претерано висока содржина на сулфур диоксид Е220 во количина од 199±28 милиграми по килограм (мг/kг – ppm), а максималната дозволена количина е 50 милиграми по килограм, стои на веб-страницата на РАСФФ.

Производот е повлечен од пазарот, а информирани се и надлежните институции, се наведува. Согласно Правилникот за прехранбени адитиви, на листата на одобрени адитиви е E220 сулфур диоксид. Припаѓа на конзерванси, кои го забавуваат расипувањето на храната предизвикано од мувла, воздух, бактерии, габи и квасци. Несаканите ефекти на Е220 вклучуваат – иритација на дигестивниот тракт, можност за алергиска реакција кај астматичари. Исто така, се наведува дека Е220 ги уништува витамините Б1 и Б12, пренесува Данас.