Стефан Ѓуриќ Раста (30) беше приведен на 2 октомври во Белград откако му биле пронајдени неколку пакувања марихуана, а потоа му беше одредена мерка притвор до 30 дена. Полицијата претходно го следела секој негов чекор и тајно ги снимала неговите телефонски разговори пред да се случи апсењето, наведува порталот „Ало“.

– Не можеше да остане незабележано дека Раста веќе некое време конзумира марихуана. Тој не се плашеше од законот, дури и кога поставуваше слики и видеа со марихуана на социјалните мрежи. Полицијата по тие објави спровела истрага – рече изворот за споменатиот весник.

– Полицијата го следеше Раста долго време, но тие не открија значајни информации, сè до денот на апсењето, кога раперот добил повик од неговиот близок пријател. Кон крајот на разговорот, еден пријател му рече на Раста да му донесе таканаречена „салата“, што е популарно име за марихуана во уличниот речник. Полицијата по тој разговор се впушти во акција. Тие го следеле секој чекор на Раста и на крајот го уапсиле со дрога – наведува изворот.

– Апсењето на Раста е само почеток на борбата против зависноста од дрога, која е многу тешка. Нашата полиција дава се од себе, а доказ за тоа е апсењето на славниот рапер – заклучи изворот.