Полициски возила со паметни камери ќе ги евидентираат непрописно паркираните возила, изјави Тошковски
„Покрај возилата во движење, ќе се казнуваат и тие што се непрописно паркирани“, изјави денеска министерот за внатрешни работи Панче Тошковски.
Препорачано
– Дел од имплементацијата на „Сејф сити“ ќе бидат и возила кои ќе бидат опремени со паметни камери и при движење на сообраќајници ќе ги констатираат сите погрешно паркирани возила, по што тие ќе бидат процесирани во системот на обработка на податоци, рече Тошковски.
Тошковски се согласува со констатацијата дека сепак во главниот град, како и во некои други градови, нема доволен простор за паркирање и дека паралелно треба да се работи на урбанистички предуслови.
Тошковски порача дека првите казни од „Сејф сити“ ќе почнат од 1 јануари 2026, иако функционирањето на системот ќе се случи порано.
– Во наредните месец дена ќе се работи интензивно на целокупната легислатива и до крајот на месец март ќе ја имаме првата верзија на сите закони кои треба да влезат во владина процедура, а до крајот на април во собраниска процедура.
Тошковски истакна дека неколку месеци граѓаните прво ќе добиваат пораки со предупредување, а од 1.1.2026 ќе се овозможат законските услови за се да биде како што треба.
