Сообраќајна несреќа во која учествувал полициски џип се случила вчера попладне на скопскиот булевар „Трета македонска бригада“, а во неа е повреден возачот, соопшти МВР.

„На 23.02.2023 во 15.10 часот во СВР Скопје било пријавено дека на булеварот „Трета македонска бригада“ во Скопје се случила сообраќајна незгода помеѓу патничко возило „Опел Астра“ со гостиварски регистарски ознаки, управувано од Т.Т.(54) од с.Јанче и патничко возило „Ленд Ровер Дефендер”, сопственост на МВР. Во несреќата со телесни повреди се здобил возачот на полициското возило, констатирани во Комплексот клиники „Мајка Тереза”. Увид на местото извршила екипа на СВР Скопје“, пишува во полицискиот билтен.