Граничната полиција вечерва привела петмина нелегални имигранти од Авганистан кои се криеле во џамија во селото Костурник, пренесува телевизијата „21“.

Голем број други мигранти биле фатени при обид да ја напуштат областа.

Властите потврдуваат дека приведената група ќе биде префрлена во транзитниот центар во Табановце на понатамошна постапка.

Локалните жители велат дека оваа мигрантска рута често носи сомнителни луѓе кои ја загрозуваат јавната безбедност. Таа е популарна за мигрантите, кои транзитираат од Грција и потоа продолжуваат кон Србија и во западноевропските земји.